महाराष्ट्र खाकी (लातूर / विवेक जगताप ) – वैद्यकीय आणि सामाजिक क्षेत्रात अखंडित व निष्ठावान सेवा देणारे डॉ. दिनेश नवगिरे  यांची बाभळगाव येथील ग्रामीण रुग्णालयाच्या कार्यकारी नियामक मंडळावर (Executive Regulatory Board) अत्यंत महत्त्वपूर्ण निवड झाली आहे. त्यांच्या या गौरवशाली नियुक्तीमुळे आरोग्य वर्तुळातून आणि सर्वच स्तरातून त्यांच्यावर अभिनंदनाचा वर्षाव होत आहे.
आरोग्य आणि समाजसेवेचा बहुमान
डॉ. दिनेश नवगिरे यांनी आपल्या वैद्यकीय कारकिर्दीत नेहमीच सामान्य आणि गरजू रुग्णांच्या सेवेला प्राधान्य दिले आहे. त्यांच्या याच उत्तुंग सामाजिक कार्याची आणि वैद्यकीय क्षेत्रातील उल्लेखनीय योगदानाची दखल घेत ही महत्त्वाची धुरा त्यांच्या खांद्यावर सोपवण्यात आली आहे. या नियुक्तीमुळे बाभळगाव व परिसरातील ग्रामीण आरोग्य व्यवस्थेला अधिक बळकटी मिळून रुग्णसेवेचा दर्जा उंचावण्यास मोठी मदत होईल, असा विश्वास व्यक्त केला जात आहे.

सर्वच स्तरातून अभिनंदनाचा वर्षाव
डॉ. नवगिरे यांच्या या यशाबद्दल विविध सामाजिक संघटना, वैद्यकीय क्षेत्रातील मान्यवर, राजकीय व ग्रामीण भागातील नागरिक यांच्याकडून त्यांचे पुष्पगुच्छ देऊन आणि सोशल मीडियाच्या माध्यमातून जोरदार अभिनंदन केले जात आहे.
बाभळगाव ग्रामीण रुग्णालयाच्या माध्यमातून ते ग्रामीण भागातील आरोग्य सुविधांच्या प्रसारासाठी आणि विकासासाठी नक्कीच मोलाचे योगदान देतील, असा दृढविश्वास यानिमित्ताने व्यक्त केला जात आहे.