महाराष्ट्र खाकी (लातूर / विवेक जगताप ) – लातूर येथील सामाजिक कार्यकर्ते आणि पर्यावरणवादी संजय ओहळ यांची महत्त्वपूर्ण निवड लातूर जिल्हा पर्यावरण समितीचे सदस्य म्हणून नियुक्ती, महाराष्ट्र शासन आणि महाराष्ट्र प्रदूषण नियंत्रण मंडळाच्या वतीने लातूर जिल्हा पर्यावरण समितीमध्ये सदस्य पदी संजय ओहळ यांची निवड झाली आहे. या निवडीमुळे लातूर जिल्ह्यातील पर्यावरण रक्षण आणि प्रदूषण नियंत्रणाच्या दिशेने एक सकारात्मक पाऊल पडले आहे.
लातूर जिल्ह्यात वाढत्या औद्योगिक विकास, शहरीकरण आणि वाहतूक यामुळे हवा, पाणी आणि माती प्रदूषणाच्या समस्या दिवसेंदिवस वाढत आहेत. या पार्श्वभूमीवर संजय ओहळ यांनी सदस्य म्हणून जिल्ह्यातील प्रदूषण समस्यांवर लक्ष केंद्रित करून प्रभावी उपाययोजना राबविण्याचे आश्वासन दिले आहे.

संजय ओहळ कोणते काम करणार
1) जिल्ह्यातील उद्योग आणि वाहतुकीमुळे होणाऱ्या हवेच्या प्रदूषणावर नियमित निरीक्षण आणि नियंत्रण.
2) पाणी स्रोत आणि नद्यांमधील प्रदूषण रोखण्यासाठी कठोर उपाययोजना.
3) प्लास्टिक आणि घन कचऱ्याचे व्यवस्थापन सुधारण्यासाठी जनजागृती आणि कृती कार्यक्रम.
4) पर्यावरण संरक्षण कायद्यांची अंमलबजावणी सुनिश्चित करणे.
5) नागरिक, उद्योग आणि प्रशासन यांच्यात समन्वय साधून स्वच्छ आणि हरित लातूर निर्माण करण्यासाठी प्रयत्न.
संजय ओहळ यांच्या निवडीमुळे लातूर जिल्ह्याला स्वच्छ हवा, शुद्ध पाणी आणि शाश्वत पर्यावरण मिळण्याची आशा निर्माण झाली आहे. त्यांच्या नेतृत्वाखाली जिल्ह्यातील प्रदूषण नियंत्रणाचे काम अधिक गतिमान होणार आहे.