महाराष्ट्र खाकी (गोंदिया / प्रतिनिधी) – गोंदिया जिल्ह्यातील सावरटोली येथील महिलेवर झालेल्या घृणास्पद अत्याचाराची गंभीर दखल (maharashtra cm) मुख्यमंत्री एकनाथ शिंदे यांनी घेतली असून या संपूर्ण प्रकरणाची चौकशी आयपीएस (IPS) दर्जाच्या महिला पोलीस अधिकाऱ्याच्या नेतृत्वाखालील एसआयटी (SIT) मार्फत करण्याचे निर्देश त्यांनी दिले आहेत.
हे प्रकरण माणुसकीला काळीमा फासणारे असून संपूर्ण तपास फास्ट ट्रॅकवर करून आरोपींच्या मुसक्या आवळण्याचे त्याचप्रमाणे यापुढे अशी घटना करावयास कुणी धजावणार नाही असे कठोर शासन आरोपींना करण्याच्या दृष्टीने (maharashtra cm) मुख्यमंत्री एकनाथ शिंदे यांनी निर्देश दिले आहेत.
यासंदर्भात मुख्यमंत्री एकनाथ शिंदे यांनी पोलीस महासंचालकांशी देखील चर्चा केली. पीडित महिलेला सर्वतोपरी उपचार मिळावेत, कुठलीही हयगय यात होणार नाही हे पाहण्याचे निर्देशही (maharashtra cm) मुख्यमंत्र्यांनी प्रशासानाला दिले आहेत.
