महाराष्ट्र खाकी (लातूर / प्रतिनिधी ) – पोलीस अधीक्षक सोमय मुंडे यांनी लातूर जिल्ह्यात अवैध धंद्याविरुद्ध कारवाई करण्याकरिता निर्देशित केले होते. त्या अनुषंगाने अप्पर पोलीस अधीक्षक डॉ.अजय देवरे, उपविभागीय पोलीस अधिकारी लातूर ग्रामीण सुनील गोसावी यांच्या मार्गदर्शनात लातूर LCB पोलीस निरीक्षक गजानन भातलवंडे यांच्या नेतृत्वात अवैध धंद्याविरूद्ध कारवाई
करण्याच्या अनुषंगाने स्थानिक गुन्हे शाखेचे अधिकारी व अंमलदार यांचे स्वतंत्र पथक तयार करून विशेष मोहीम राबविली आहे . अवैध धंद्यावर कारवाई करीत असताना दि. 01/01/2023 रोजी मिळालेल्या गोपनीय माहितीवरून लातूर ग्रामीण पोलीस स्टेशन हद्दीतील चांडेश्वर शिवारातील मन्मत शिवमूर्ती धरणे यांच्या शेतात छापा मारला असता 1) राम शिवाजी गायकवाड ,वय 32
वर्ष ,राहणार खोपेगाव तालुका जिल्हा लातूर, 2) ऋषिकेश रवींद्र घुगे ,वय 20 वर्ष, राहणार साईधाम अपार्टमेंट लक्ष्मी नगर लातूर, 3) प्रकाश मधुकर चेवले ,37 वर्ष, राहणार हिप्परसोगा तालुका औसा 4) निखिल महादेव वाकडे ,वय 28 वर्ष ,राहणार शाळे गल्ली, लातूर, 5) मानस उर्फ महादेव साठे, वय 21 वर्ष, राहणार अंबाजोगाई रोड, केशवनगर, लातूर, 6) मन्मत शिवमूर्ती धरणे, राहणार
पेठ, तालुका लातूर 7) प्रसाद जगताप ,राहणार पेठ तालुका जिल्हा लातूर. 8) प्रणव कांबळे, राहणार ओसवाडी तालुका जिल्हा लातूर. 9) हनमंत भागवत मोरे, राहणार खोपेगाव तालुका जिल्हा लातूर. अल्पवयीन बालक असे ग्रुप करून पैसे लावून तिरट नावाचा जुगार खेळत व खेळवीत असताना LCB पथकला आढळून आले. त्यांच्याकडून जुगाराचे साहित्य,रोख रक्कम व
वाहने असा एकूण 11 लाख 22 हजार 100 रुपयांचा मुद्देमाल हस्तगत करण्यात आला असून मन्मत धरणे, प्रसाद जगताप, प्रणव कांबळे हे तिघे पोलीसाची चाहूल लागताच पळून गेले पोलीस त्यांचा शोध घेत आहेत. सर्व आरोपी विरोधात लातूर ग्रामीण पोलीस स्टेशन येथे 12 (अ) मुंबई जुगार अधिनियमा नुसार गुन्हा दाखल करण्यात आला असून स्थानिक गुन्हे शाखेच्या (LCB)
पथकाने मुद्देमाल व सहा आरोपीना पुढील तपासासाठी लातूर ग्रामीण पोलीस स्टेशनच्या ताब्यात देण्यात आले आहे. ही कामगिरी वरिष्ठांच्या मार्गदर्शनात व पोलीस निरीक्षक गजानन भातलवंडे यांच्या नेतृत्वातील पथकातील सहाय्यक पोलीस निरीक्षक सचिन द्रोणाचार्य, सहाय्यक फौजदार संजय भोसले, पोलीस अंमलदार अंगद कोतवाड, सुधीर कोळसुरे, माधव बिलापट्टे, नवनाथ
हासबे, मोहन सुरवसे, सिद्धेश्वर जाधव, योगेश गायकवाड, राजाभाऊ मस्के, तुराब पठाण, जमीर शेख, नकुल पाटील यांनी केली आहे.
